Թուրքիայում ռազմական ինքնաթիռ է կործանվել (տեսանյութ)

Թուրքիայի Կայսերի քաղաքում դեռևս անհայտ պատճառով կործանվել է Թուրքիայի ռազմաօդային ուժերի հրամանատարությանը պատկանող ուսումնամարզական ինքնաթիռ։ Վթարի հետևանքով մահացել է 2 օդաչու։ Այս մասին հայտնում է «Ermenihaber.am»-ը։

Թուրքիայի պաշտպանության նախարարությունը վթարի մասին հայտարարություն է տարածել, որում, մասնավորապես, նշված է․

«Մեր ռազմաօդային ուժերի հրամանատարությանը պատկանող SF-260D տիպի ուսումնական ինքնաթիռը, որը թռիչք է կատարել Կայսերիի 12-րդ օդային տրանսպորտի գլխավոր բազայի հրամանատարությունից, կործանվել է անհայտ պատճառով։ Սկսվել են որոնողափրկարարական աշխատանքները»։