Հուլիսի 3-ին Սիրիայի վարչապետ Հուսեյն Արնուսն ընդունել է Բերիոյ Հայոց Թեմի Առաջնորդ Մակար Սրբ. Արք. Աշգարեանին և նրան ուղեկցող պատվիրակությանը: Այս մասին հայտնում է «Գանձասար» թերթը:
Հանդիպման ժամանակ կողմերը շեշտել են, որ սիրիական ինքնությունը միավորում են սիրիական հասարակության բոլոր բաղադրիչներն՝ իրենց տարբեր կրոնական պատկանելիություններով:
Սիրիայի վարչապետը նշել է կրոնական, ժողովրդական և ազգային բազմաթիվ գործողությունների, մարդասիրական նախաձեռնությունների կարևորությունը՝ հավելելով, որ դրանք արտացոլում են խաղաղ գոյակցության լավագույն պատկերը և ամրապնդում են Սիրիայի ժողովրդի միասնության ոգին:
Իր հերթին Սրբազան Աշգարեանը շնորհակալություն է հայտնել Սիրիայի կառավարությանը՝ Բերիոյ Հայոց Թեմի Առաջնորդութեան ծառայողական, մարդասիրական և առողջապահական բազմաբնույթ ծառայությունների անխոչընդոտ ընթացքին նպաստելու համար:
Հետևեք մեզ տելեգրամում
