Հունիսի 13-ին Մարդու իրավունքների եվրոպական դատարանը (ՄԻԵԴ) Ադրբեջանում Ազատություն ռադիոկայանի և այլ առցանց լրատվամիջոցների ամբողջական արգելափակումը ճանաչել է որպես Մարդու իրավունքների և հիմնարար ազատությունների պաշտպանության կոնվենցիայի խախտում։
Ըստ ՄԻԵԴ-ի՝ գործը վերաբերում է չորս առցանց լրատվամիջոցներին մուտքն ամբողջությամբ արգելափակելու կառավարության որոշումներին:
Ադրբեջանի դատարանները որոշել են արգելափակել կայքերի հասանելիությունը՝ պատճառաբանելով, որ դրանցում հրապարակված որոշ հոդվածներ պարունակում են իբր ապօրինի բովանդակություն՝ համաձայն ադրբեջանական լրատվամիջոցների օրենսդրության:
Դիմումատուներն այս միջոցն անվանել են «ծայրահեղ»։
ՄԻԵԴ-ը պարտավորեցրել է Ադրբեջանի կառավարությանը յուրաքանչյուր դիմողի 6000 եվրո փոխհատուցում վճարել։
Հետևեք մեզ տելեգրամում
