Այսօր Շվեյցարիայի Ազգային Խորհրդարանի պատգամավոր Էրիխ Ֆոնտոբելը 15 այլ պատգամավորների ստորագրությանբ գրավոր հարցադիմում է ուղղել Շվեյցարիայի գործադիր իշխանությանն՝ արցախահայերի վերադարձի և իրավունքների վերականգնման վերաբերյալ։ Տեղեկությունը հայտնում է Շվեյցարիայի խորհրդարանը:
Հաղորդվում է, որ եկող երկուշաբթի՝ սեպտեմբերի 23-ին գործադիրն արդեն խորհրդարանի ամբիոնից պետք է պատասխանի հետևյալ հարցերին.
– Արդյոք Շվեյցարիան ճանաչո՞ւմ է Լեռնային Ղարաբաղի հայերի հայրենիք վերադառնալու և այնտեղ իրենց ինքնորոշման իրավունքն իրացնելու իրավունքը։
– Արդյոք COP29-ում շվեյցարական պատվիրակությունը մտադի՞ր է բարձրացնել Լեռնային Ղարաբաղի էթնիկ զտումների և նրա բնակիչների վերադարձի իրավունքի հարցը:
Հետևեք մեզ տելեգրամում
