Թուրքիայի կրթության նախարարությունը հայտարարել է նոր ուսումնական ծրագրում արմատական փոփոխությունների մասին։ Այսուհետ «Կենտրոնական Ասիա»-ի փոխարեն կօգտագործվի «Թուրքեստան» եզրույթը։ Այս մասին հայտնում է իշխանական «Yenisafak» լրատվականը:
Ըստ իշխանությունների՝ «ապագա սերունդները կդաստիարակվեն թյուրքականության, ազգային գիտակցության և հայրենասիրության գիտակցությամբ»:
Ըստ աղբյուրի՝ «Թուրքեստանը զբաղեցնում է հսկայական տարածք՝ սկսած Իրանի Խորասանի շրջանից, ներառյալ հյուսիսային Աֆղանստանը, և տարածվում է Պամիր և Հինդու Քուշ-Կունլուն լեռների հյուսիսային ստորոտներից մինչև չինական Թունգ Հուանգ շրջան, որտեղից հասնում է Մանջուրիայի արևմուտք, ընդգրկում է ամբողջ Հարավային Սիբիրը Մոնղոլիայի հետ միասին՝ շարունակվելով դեպի արևմուտք մինչև այն կետը, որտեղ Ուրալ լեռները և Վոլգա գետը հասնում են Կասպից ծով»:
«Թուրքեստան» եզրույթը հիմնականում օգտագործում են պանթուրքիստական գաղափարական հոսանքին հարողները։
Հետևեք մեզ տելեգրամում
