Սաուդյան Արաբիայի մայրաքաղաք Էր-Ռիյադում կայացել է Իրանի և Սաուդյան Արաբիայի ԱԳ նախարարներ Աբբաս Արաղչիի և Ֆայսալ բին Ֆարհան Ալ-Սաուդի հանդիպումը:
Իրանի արտգործնախարարը հարևանության քաղաքականությունն ու տարածաշրջանի երկրների հետ հարաբերությունների զարգացումը Իրանի արտաքին քաղաքական առաջնահերթություն է որակել: Նա նաև կոչ է արել գործադրել տարածաշրջանային համագործակցության բոլոր հնարավորությունները՝ կանխելու Իսրայելի գործողությունները Գազայում և Լիբանանում:
Իր հերթին Սաուդյան Արաբիայի ԱԳ նախարարը պատրաստակամությունն է հայտնել համագործակցել տարածաշրջանային անվտանգության ու կայունության պահպանման ուղղությամբ:
Նշենք, որ Իրանի արտաքին գործերի նախարարն Էր Ռիադից մեկնել է Դոհա, որտեղ հանդիպել է Կատարի վարչապետ, ԱԳ նախարար Մուհամմադ բին Աբդուլ Ռահման Ալ-Թանիի հետ:
Հետևեք մեզ տելեգրամում
