ԱՄՆ Կոնգրեսի ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվեց Հայոց ցեղասպանությունը ճանաչող բանաձևը։ Քվեարկությանը մասնակցած կոնգրեսականներից կողմ քվեարկեց 405-ը, դեմ՝ 11-ը, ձեռնպահ՝ 3-ը, իսկ 14 կոնգրեսական չի քվեարկել։
Քվեարկությունից առաջ Ներկայացուցիչների պալատում ընթացել է երկու մասից բաղկացած քննարկում: Ելույթներով հանդես են եկել մի քանի տասնյակ կոնգրեսականներ: Բանաձևի համահեղինակ են 137 օրենսդիր` երկու կուսուկցություններից:
Ելույթներում կոնգրեսականները հանդես են եկել Հայոց ցեղասպանությունը ճանաչող բանաձևի աջակցությամբ, Օսմանյան կայսրությունում ԱՄՆ դեսպան Հենրի Մորգենթաուի հիշողությունների մեջբերմամբ, վերջերս Թուրքիայի կողմից Սիրիայի քրդերի դեմ գործողությունների կոշտ քննադատությամբ ու 1915 թվականի և մերօրյա զարգացումների միջև զուգահեռների անցկացմամբ:
Բանաձևի համահեղինակ, դեմոկրատ կոնգրեսական Ադամ Շիֆն իր հերթին ընդգծել է, որ երբեէ ուշ չէ ճանաչել Ցեղսպանությունը, սակայն այսօր այս քայլը էլ ավելի արդիական է`՝ կապված Սիրիայում Թուրքիայի գհործողությունների հետ: Կոնգրեսականը ընդգծել է` Հայոց ցեղասպանության փաստը որևէ կասկած չի հարուցում:
Հետևեք մեզ տելեգրամում
