Իսրայելը որոշել է, թե որ թիրախներն է խոցելու Իրանում: Տեղեկությունը հայտնում է իսրայելական Channel 12 news հեռուստաալիքը՝ հավելելով, որ երկրի ռազմական ղեկավարությունն արդեն վարչապետ Նեթանյահուին և պաշտպանության նախարար Յոավ Գալանտին է ներկայացրել հնարավոր թիրախների ցանկը:
Իսրայելական Kan հեռարձակողը ևս հայտնել է, որ «քաղաքական էլիտան» որոշել է թիրախները՝ չբացահայտելով, թե ովքեն են եղել որոշում կայացնողները:
«Թիրախները պարզ են: Մնացյալը ժամանակի հարց է»,- հայտնել է Kan-ը՝ վկայակոչելով անվտանգային աղբյուրը:
Հաղորդվել է նաև, որ իսրայելական կողմը նկարագրել է ԱՄՆ-ին հարձակման ընդհանուր ծրագրերը, սակայն դեռևս պետք է թարմացումներ տրամադրի հստակ թիրախների մասին: Սակայն անվտանգային աղբյուրը հայտնում է, որ թիրախները կարող են փոխվել:
Հետևեք մեզ տելեգրամում
