Հայաստանի և Ադրբեջանի սահմանազատման հանձնաժողովների կանոնակարգն Ադրբեջանի կողմից չվավերացնելու դեպքում ուժի մեջ չի մտնելու։
«Արմենպրես»-ի հաղորդմամբ՝ Ազգային ժողովում այս մասին ասաց Ազգային ժողովի տեղակալ Ռուբեն Ռուբինյանը՝ անդրադառնալով ընդդիմադիր պատգամավորների մտահոգություններին, թե չի բացառվում, որ Ադրբեջանն ընդհանրապես հրաժարվի կանոնակարգը վավերացնելուց։
Ռուբինյանն անդրադարձավ նաև ընդդիմադիր պատգամավորների կարծիքներին, թե կանոնակարգը դավաճանական և կոլաբորացիոնիստական փաստաթուղթ է, ինչպես նաև այն մտահոգությանը, թե Ադրբեջանը կարող է, ի վերջո, վավերացնել կանոնակարգը, բայց վերապահումներով։
«Հարցնում եք՝ բա որ Ադրբեջանը չվավերացնի կանոնակարգը։ Թող չվավերացնի, ուժի մեջ չի մտնի սա։ Ի՞նչն է խնդիրը։ Եթե մենք հիմա վավերացնենք, և պարզվի, որ Ադրբեջանը չի վավերացնում, այդ համաձայնությունը կհամարվի տեղի չունեցած։
Հաջորդը՝ եթե դուք պնդում ենք, որ կանոնակարգը դավաճանական է, կոլաբորացիոնիստական է, վտանգավոր է, ապա ինչո՞ւ Ադրբեջանն այն չի վավերացնում ձեր տրամաբանության շրջանակներում։
Հարցնում եք՝ բա որ վերապահումներով վավերացնի Ադրբեջանը։ Վերապահումներով վավերացնում են միջազգային կոնվենցիաները․ երբ 100 երկիր ստորագրում է և վավերացնում է, ինչ-որ երկիր մի մասով վերապահում է անում և ասում, որ սա չի գործելու։ Երկկողմ համաձայնության մեջ վերապահումը ո՞րն է։ Դա տրամաբանական չէ»,-շեշտեց Ռուբինյանը։
Հետևեք մեզ տելեգրամում
