Հայաստանի դեսպանությունը պաշտոնական բողոք է ներկայացրել Բրյուսելում գտնվող դիվանագիտական այլ ներկայացուցչություններ։ Պատճառն այն է, որ Ադրբեջանի դեսպան Վագիֆ Սադիկովը սպառնացել է Բելգիայում ՀՀ դեսպան Տիգրան Բալայանին։ Այս մասին հայտնում է Politico.eu-ը։
Անցյալ շաբաթ դիվանագետների շրջանում տարածված նամակում ասվում է, որ Հայաստանի դեսպան Տիգրան Բալայանը «բանավոր հարձակման և ահաբեկման է ենթարկվել» Ադրբեջանի դեսպան Վաքիֆ Սադիկովի կողմից, ով «կյանքի դեմ ուղղված բացահայտ սպառնալիքներ է հնչեցրել»։
Միջադեպը տեղի է ունեցել Բրյուսելի Tangla հյուրանոցում կայացած ընդունելության ժամանակ, որը կազմակերպել էր Թուրքիայի դեսպանատունը՝ ի պատիվ երկրի ազգային տոնի: Սա Անկարայի կողմից կազմակերպված առաջին միջոցառումն էր, որին Հայաստանը հրավիրվել էր 2020 թվականի պատերազմից հետո։
Ադրբեջանցի դիվանագետը հերքել է մեղադրանքը, Հայաստանի դեսպանությունը հրաժարվել է մեկնաբանություններից, իսկ Թուրքիայի դեսպանատունն անմիջապես չի պատասխանել հարցմանը։
ՀՀ փոխարտգործնախարար Պարույր Հովհաննիսյանը, 2025 թ. պետական բյուջեի նախնական քննարկմանը, արձագանքելով այս լուրին, նշել է, որ իրենց հասած տեղեկություններով՝ ընդունելության ընթացքում վիրավորանքներ ու սպառնալիքներ են հնչել, որի մասին Հայաստանը հայտագրով հայտնել է բելգիական կողմին և Եվրամիությանը։ Այդ հարցով հետաքննում է տեղի ունենում։
Հետևեք մեզ տելեգրամում
