Հայաստանի արտաքին գործերի փոխնախարար Պարույր Հովհաննիսյանը խորհրդարանում լրագրողների հետ զրույցում անդրադարձել է ՀՀ արտաքին քաղաքականության առաջնահերթության փոփոխության վերաբերյալ հարցին։
«Խոսքը առաջնահերթությունների մասին էր, բայց այլ տեսանկյունից անում ենք շատ քայլեր, օրինակ, ցեղասպանության կանխման առումով։ Դեկտեմբերին Հայաստանը կհյուրընկալի գլոբալ ֆորում, որը բավականին ամբիցիոզ ծրագիր ունի։ Եվ մեզ համար ցեղասպանությունների կանխարգելման խնդիրը մնում է կարևոր հարցերից մեկը։ Խոսքն առաջնահերթ լինելու և չլինելու մասին է»,-ասաց Հովհաննիսյանը։
Նշենք, որ օրեր առաջ ԱԳ նախարար Արարատ Միրզոյանը հայտարարել էր, որ Հայոց ցեղասպանության միջազգային ճանաչման հարցը Հայաստանի ԱԳՆ-ի օրակարգում թիվ մեկ առաջնահերթությունը չէ։
Հետևեք մեզ տելեգրամում
