Կատարի կառավարությունը Իսրայելից պահանջել է պարտավորվել չհարձակվել իր տարածքում պաղեստինյան «ՀԱՄԱՍ» շարժման անդամների վրա:
«Պարտավորություն ստանձնեք մեր հողում չհարձակվել «ՀԱՄԱՍ»-ի բարձրաստիճան անդամների վրա»,-մեջբերում է իսրայելական Kan ռադիոկայանը Կատարի իշխանությունների հաղորդագրությունից։
Ի դեպ, ավելի վաղ, բրիտանական Financial Times թերթը, հղում անելով իր աղբյուրներին, հայտնել էր, որ Կատարը, Միացյալ Նահանգների ճնշման ներքո, «ՀԱՄԱՍ»-ի ղեկավարությանը խնդրել էր լքել երկիրը, քանի որ շարժումը բազմիցս մերժել է միջնորդների առաջարկները՝ Գազայում հրադադար հաստատելու վերաբերյալ բանակցությունների շրջանակում ազատ արձակել իսրայելցի պատանդներին: Նոյեմբերի 8-ին Կատարի ԱԳՆ խոսնակ Մաջիդ բին Մուհամմեդ ալ-Անսարին հերքել է Դոհայում «ՀԱՄԱՍ»-ի քաղբյուրոյի գրասենյակի փակման մասին տեղեկությունը։
«ՀԱՄԱՍ»-ի քաղաքական գրասենյակը Դոհայում գործում է 2012 թվականից, երբ Սիրիայի քաղաքացիական պատերազմի պատճառով շարժման ղեկավարությունը ստիպված եղավ լքել Դամասկոսի կենտրոնակայանը։ Կատարը նաև քաղաքական ապաստան տրամադրեց «ՀԱՄԱՍ»-ի առաջնորդներին՝ հարթակ դառնալով արտասահմանում շարժման ներկայացուցչության համար։
Հետևեք մեզ տելեգրամում
