Թուրքիայի արտգործնախարար Հաքան Ֆիդանը Milliyet թերթին տված հարցազրույցում հայտել է, որ ԱՄՆ նախագահական ընտրություններում Դոնալդ Թրամփի հաղթանակով մեծացել են Ուկրաինայում հակամարտությունը դադարեցնելու հույսերը։
«Այն բանից հետո, երբ Թրամփն հաղթեց ԱՄՆ-ի ընտրություններում, ռուս-ուկրաինական պատերազմի ավարտի հույսերը մեծացան։ Մենք աջակցում ենք Ուկրաինայի տարածքային ամբողջականությունը, ինչը երևում է Ղրիմի հարցում մեր դիրքորոշումից։ Այնուամենայնիվ, մենք չենք տեսնում, որ այս պատերազմը օգուտներ բերի կողմերից որևէ մեկին»,-նշել է Ֆիդանը:
Նախարարը նաև հիշեցրել է, որ հակամարտության առաջին իսկ օրվանից Անկարան պնդում էր, որ առաջնահերթությունը պետք է տրվի դիվանագիտությանը։
«Թուրքիան պատրաստ է միջնորդական դեր խաղալ արդար և կայուն խաղաղության հասնելու ջանքերում այն ձևաչափերի և պարամետրերի շրջանակներում, որոնք կհամաձայնեցվեն ուկրաինական հակամարտության երկու կողմերի միջև»,-ընդգծել է թուրք նախարարը։
Հետևեք մեզ տելեգրամում
