Աբխազիայի նախագահ Ասլան Բժանիան Անվտանգության խորհրդի արտակարգ նիստ է անցկացրել։ Պատճառն այն է, որ նոյեմբերի 11-ին ձերբակալված ընդդիմադիրների կողմնակիցները կենտրոնական մայրուղու վրա փակել են կամուրջները՝ պահանջելով նրանց ազատ արձակել։
«Հանրապետական ավտոմայրուղու ապօրինի փակման հետևանքով ստեղծված իրավիճակի կապակցությամբ Աբխազիայի նախագահ Ասլան Բժանիան Անվտանգության խորհրդի արտակարգ նիստ է անցկացրել։ Ուժային կառույցների ղեկավարները պետության ղեկավարին զեկուցել են անօրինական գործողությունները կանխելու համար ձեռնարկված միջոցառումների մասին»,- հայտնել են Աբխազիայի նախագահի մամուլի ծառայությունից։
Անվտանգության խորհրդի նիստում նշել է Պետական անվտանգության ծառայության (ՊԱԾ) նախագահ Դմիտրի Կուչուբերիան նշել է, որ ՊԱԾ դարպասների մոտ տեղի ունեցած անկարգությունների ժամանակ արձանագրվել են ծառայության աշխատակիցների նկատմամբ ֆիզիկական ճնշումներ գործադրելու դեպքեր․ նույն անձը մեքենայով հարվածել է դարպասին։
«Վերջինիս ինքնությունը պարզվել է, նա կալանավորվելու է»,-ավելացրել է Կուչուբերիան։ Աբխազիայում ընդդիմադիրները փակել են մայրուղու կամուրջները
Նոյեմբերի 11-ի երեկոյան ընդդիմության հինգ ներկայացուցիչների բերման ենթարկելուց հետո նրանց կողմնակիցները փակել էին Գումիստա և Կոդորի կամուրջների երթևեկությունը։ Բողոքի ակցիա էր տեղի ունեցել նաև Սուխումի Ազատության հրապարակում։
Հետևեք մեզ տելեգրամում
