Սիրիայի հարցով ՌԴ նախագահի հատուկ ներկայացուցիչ Ալեքսանդր Լավրենտևը ՏԱՍՍ-ին տված հատուկ հարցազրույցում խոսել է ԱՄՆ նորընտիր նախագահ Դոնալդ Թրամփի վարչակազմի հետ շփումների հնարավորության մասին։
Լավրենտևը նշել է, որ իրենք դեռ հույս ունենք, որ կկարողանան որոշակի պայմանավորվածություններ ձեռք բերել, այդ թվում՝ Սիրիայի հարցում։
«Հակամարտությունը շարունակվում է ավելի քան 13 տարի, և շուտով կդառնա 14 տարի, ուստի ժամանակն է սկզբունքորեն վերջ տալ դրան։ Ավելին, Թրամփը հայտարարեց, որ կներդնի բոլոր ջանքերը մոլորակի վրա զինված հակամարտությունները կանխելու համար»,-ասել է ռուս դիվանագետը։
Հարցին, թե արդյոք ռուսական կողմը պատրաստ է այս զարգացումների դեպքում շփումներ ունենալ Թրամփի վարչակազմի հետ, Լավրենտևը նշել է, որ իրենք միշտ հավատացել են, որ Միացյալ Նահանգները բավականին նշանակալից դեր է խաղացել և խաղում՝ հաշվի առնելով նրա ներկայությունը ոչ միայն Սիրիայի հյուսիս-արևելքում, այլև Աթ-Թանֆում:
«Ուստի նրանք խաղացին, խաղում են և կունենան էական դեր։ Նրանց կարծիքը, իհարկե, պետք է հաշվի առնել, և, իհարկե, անհրաժեշտ կլինի նրանց հետ բանակցել։ Բայց ինչպես ասում են՝ Թրամփը սիրում է գործարքներ կնքել. տեսնենք, թե նա ինչ կարող է առաջարկել այս ուղղությամբ»,-հավելել է ՌԴ նախագահի հատուկ ներկայացուցիչը։
Հետևեք մեզ տելեգրամում
