Վրաստանը պատրաստ է միջնորդի դեր խաղալ Ադրբեջանի և Հայաստանի միջև բանակցություններում, եթե նրանք դա ցանկանան։ Այդ մասին Վրաստանի Առաջին ալիքին տված հարցազրույցում հայտարարել է վարչապետ Իրակլի Կոբախիձեն։
«Եթե շահագրգռվածություն լինի, որ Վրաստանը որպես միջնորդ կամ այլ կերպ ավելի ակտիվ ներգրաված լինի բանակցությունների ապահովման գործընթացին, մենք այդ առումով միշտ արձանագրում ենք մեր պատրաստակամությունը։ Այդ պատրաստակամությունն ուժի մեջ է նաև հիմա։ Եթե լինի համապատասխան հետաքրքրություն, մենք պատրաստ ենք առաջարկել մեր օգնությունը և աջակցել մեր հարևան երկու երկրներին»,-ասել է Կոբախիձեն։
Նշենք, որ մեկ անգամ չէ, որ Վրաստանն իր միջնորդությունն է առաջարկել Հայաստանի և Ադրբեջանի միջև հարաբերությունների կարգավորման գործում։
Հետևեք մեզ տելեգրամում
