Իրանը կտրականապես մերժում է Թեհրանի նկատմամբ Եվրամիության և Մեծ Բրիտանիայի անօրինական պատժամիջոցները՝ Ռուսաստանին իբր բալիստիկ հրթիռներ մատակարարելու համար։ Այս մասին հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Իսմայիլ Բաղային։
«Բաղային դատապարտել է Եվրամիության և Միացյալ Թագավորության միջամտությունը պաշտպանական և ռազմական ոլորտներում պետությունների օրինական հարաբերություններին և ընդգծել, որ Իրանի Իսլամական Հանրապետությունը կօգտագործի իր գործընկերների հետ համագործակցության բոլոր հնարավորությունները՝ ազգային շահերն ու ազգային անվտանգությունն ապահովելու համար»,-ասված է Իրանի արտգործնախարարության հայտարարության մեջ։
Հետևեք մեզ տելեգրամում
