Վրաստանի հետ ԱՄՆ հարաբերությունների համապարփակ վերանայումը դեռ շարունակվում է, և Վաշինգտոնը պատրաստ է անհրաժեշտության դեպքում հետագա քաղաքական գործողություններ ձեռնարկել: Այս մասին ասել է ԱՄՆ Պետքարտուղարության մամուլի ծառայության ղեկավար Մեթյու Միլլերը՝ պատասխանելով Վրաստանում տեղի ունեցող վերջին իրադարձությունների վերաբերյալ հարցին։
Միլլերը խնդրել է ԱՄՆ-ի դիրքորոշումը ֆիքսել Վաշինգտոնի և Թբիլիսիի հարաբերությունների վերանայման համատեքստում։
«Համապարփակ վերանայումը դեռ շարունակվում է։ Մենք այդ վերանայման շրջանակում արդեն ձեռնարկել ենք քաղաքական գործողություններ և անհրաժեշտության դեպքում կշարունակենք այլ քայլեր ձեռնարկել»,-հայտարարել է Միլլերը՝ հիշեցնելով, որ ԱՄՆ-ը դադարեցրել է 95 միլիոն դոլարի օգնությունը Վրաստանի կառավարությանը։
Հիշեցնենք, որ Վրաստանի ոստիկանությունը երկու օր է՝ ցրում է Թբիլիսիի Ճավճավաձեի պողոտայի բողոքի հանրահավաքը։ Ընդդիմությունը չի ընդունում հոկտեմբերի 26-ին կայացած խորհրդարանական ընտրությունների արդյունքը։
Հետևեք մեզ տելեգրամում
