Սիրիայի զինված ուժերը մարտի մեջ են մտել ահաբեկիչների հետ, որոնք լայնածավալ հարձակումներ են իրականացրել Հալեպ և Իդլիբ նահանգներում, հայտնում է սիրիական արաբական SANA լրատվական գործակալությունը։
«Ահաբեկչական կազմակերպությունները տեխնիկայի և կենդանի ուժի մեծ կորուստներ են կրել, և մեր զորքերը հակազդում են նրանց տարբեր կրակային միջոցների օգնությամբ և բարեկամ ուժերի հետ համագործակցությամբ»,- ասվում է Սիրիայի զինված ուժերի և բանակի բարձր հրամանատարության տարածած հաղորդագրության մեջ։
Նշենք, որ նոյեմբերի 27-ին Սիրիայի հյուսիսում զինյալները հարձակում են սկսել կառավարական զորքերի դեմ։ Սա առաջին նմանատիպ դեպքն է այն բանից հետո, երբ Ռուսաստանը և Թուրքիան համաձայնության էին եկել Սիրիայի հյուսիսում հրադադարի շուրջ։ «Հայաթ Թահրիր ալ-Շամ» խմբավորումը գրավել է Հալեպի նահանգի արևմուտքում գտնվող շուրջ 13 բնակավայր և մի շարք ռազմավարական կարևոր բարձունքներ։ «Ջաբհաթ ան-Նուսրա» ծայրահեղական խմբավորման կազմավորումները հարձակման են անցել՝ փորձելով կտրել Դամասկոս-Հալեպ միջազգային մայրուղին։
Հետևեք մեզ տելեգրամում
