Իրանի Իսլամական Հանրապետության նախագահ Մասուդ Փեզեշքիանը 11 տարի դադարից հետո առաջին անգամ մեկնել է Կահիրե՝ մասնակցելու «Իսլամական ությակի» (D-8) բարձր մակարդակի հանդիպմանը։ Այս այցի ընթացքում Փեզեշքիանը, բացի D-8 գագաթնաժողովին մասնակցելուց, երկկողմ հանդիպումներ կունենա գագաթաժողովին մասնակցող մի շարք այլ պետությունների ղեկավարների և պաշտոնյաների հետ, կքննարկի երկկողմ, տարածաշրջանային և գլոբալ խնդիրներ։
11-րդ գագաթաժողովին մասնակցիները կքննարկեն իսլամական աշխարհում տեղի ունեցող տնտեսական և քաղաքական փոփոխությունները:
Եգիպտոսի և Իրանի հարաբերությունները վերջին տասնամյակներում հիմնականում լարված են եղել, սակայն 2023թ․ Գազայի ճգնաժամից հետո, երբ Եգիպտոսը փորձեց միջնորդական դեր խաղալ, երկու երկրներն ակտիվացրել են բարձր մակարդակի դիվանագիտական շփումները:
Նշենք, որ D-8 խումբը ստեղծվել է 1997 թվականին Հարավարևելյան Ասիայից մինչև Աֆրիկա ձգվող երկրների միջև համագործակցությունը բարելավելու նպատակով: Նրա կազմի մեջ են մտնում Իրանը, Բանգլադեշը, Եգիպտոսը, Ինդոնեզիան, Մալայզիան, Պակիստանը, Թուրքիան և Նիգերիան։
Հետևեք մեզ տելեգրամում
