Թուրքիայի նախագահ Ռեջեփ Թայիփ Էրդողանը մեծ պատվիրակության գլխավորությամբ կայցելի Սիրիա, հայտնում է կառավարամետ Hürriyet թերթը՝ չհստակեցնելով Թուրքիայի ղեկավարի Դամասկոս այցի ժամկետները։
«Սիրիայում անցումային կառավարությունն արագ կձևավորվի: Նախագահ Էրդողանը մեծ պատվիրակության հետ կայցելի Դամասկոս, որի կազմի մեջ կլինեն ներդրումների համար պատասխանատու նախարարները»,- գրում է թերթը։
Էրդողանը դեկտեմբերի 23-ին՝ կառավարության նիստից հետո, ասել է, որ Թուրքիան սերտ կապեր է պահպանում սիրիական նոր ղեկավարության հետ և կտրամադրի հնարավոր բոլոր աջակցությունը։ Նա նշել է, որ Ազգային հետախուզական կազմակերպության ղեկավար Իբրահիմ Քալընի և արտգործնախարար Հաքան Ֆիդանի Դամասկոս այցից հետո Թուրքիայից Սիրիա այցելությունների թիվը կավելանա։
Հետևեք մեզ տելեգրամում
