Իրանի փոխնախագահ Մոհամմադ Ջավադ Զարիֆն առաջարկել է Մերձավոր Արևելքում նոր կառույց ստեղծել, որը կկոչվի «Մուսուլմանական Արևմտյան Ասիայի երկխոսության ասոցիացիա» (MWADA)՝ տարածաշրջանում կայունություն հաստատելու և տարածաշրջանային խաղացողների միջև համագործակցությունն ամրապնդելու համար:
«Իմ փորձն ինձ սովորեցրել է, որ կայունության հասնելը Մերձավոր Արևելքում, հատկապես Պարսից ծոցում, պահանջում է ավելին, քան ճգնաժամային կառավարում․․․․Որպես տարածաշրջանի վերափոխման մեխանիզմ, ես առաջարկում եմ ստեղծել «Մուսուլմանական Արևմտյան Ասիայի երկխոսության ասոցիացիա»,-The Economist ամսագրի հեղինակային հոդվածում գրել է Զարիֆը։
Իրանցի քաղաքական գործչի կարծիքով՝ նոր նախաձեռնությունը պետք է մեկ հարթակում միավորի Մերձավոր Արևելքի բոլոր մուսուլմանական երկրները՝ Բահրեյնը, Եգիպտոսը, Իրանը, Իրաքը, Հորդանանը, Քուվեյթը, Լիբանանը, Օմանը, Կատարը, Սաուդյան Արաբիան, Սիրիան, Թուրքիան, ԱՄԷ-ն և Եմենը ու հիմնված պետք է լինի ընդհանուր կրոնի, հավաքական անվտանգության և չմիջամտելու սկզբունքի վրա։
MWADA-ի հիմնական առաջնահերթությունները, ինչպես նշել է Իրանի փոխնախագահը, պետք է լինեն Գազայի հատվածում, Լիբանանում, Սիրիայում, Եմենում առկա բոլոր ճգնաժամերի լուծումը և ոչ տարածաշրջանային խաղացողների արտաքին միջամտությանը հակազդելը:
Հետևեք մեզ տելեգրամում
