Սիրիայում բողոքի ցույց է տեղի ունեցել այն բանից հետո, երբ Սուկայլաբիա քաղաքի գլխավոր հրապարակում, որտեղ մեծամասնություն են կազմում քրիստոնյաները, ինչ-որ մեկն այրել է տոնածառը: Ցուցարարները նոր իսլամիստական իշխանություններին («Հայաթ Թահրիր ալ-Շամի») կոչ են արել միջոցներ ձեռնարկել՝ փոքրամասնությունների իրավունքները պաշտպանելու համար։
Սոցցանցերում հայտնված կադրերը ցույց են տալիս, թե ինչպես են դիմակավորված տղամարդիկ անհայտ հեղուկ լցնում տոնածառի վրա այն գիշեր, երբ Սիրիայում քրիստոնյաները պատրաստվում էին տոնել Սուրբ Ծննունդը։ Անհասկանալի էր՝ նրանք փորձում էին հանգցնել կրակը, թե օգնել, որ տարածվի։
Ավելի ուշ ևս մեկ տեսանյութ է տարածվել, որում «Հայաթ Թահրիր ալ-Շամի»-ին հարող կրոնական գործիչը Սուկայլաբիայում հավաքված մարդկանց վստահեցրել է, որ հաջորդ իսկ առավոտը տոնածառը վերականգնված կլինի։ Այնուհետև տղամարդը խաչ է վերցրել՝ ի նշան համերաշխության, ինչը սովորաբար չեն անում իսլամիստ պահպանողականները:
Բողոքի ցույց է տեղի ունեցել նաև Համայում, մայրաքաղաք Դամասկոսի քրիստոնեաբնակ Բաբ Թումա թաղամասում։
«Եթե մեզ թույլ չեն տալիս մեր քրիստոնեական հավատքը ապրել մեր երկրում, ինչպես նախկինում, ապա մենք այլևս չենք պատկանում իրեն»,-France Presse գործակալությանն ասել է ցուցարարներից մեկը։
Հետևեք մեզ տելեգրամում
