Իրանի նախագահ Մասուդ Փեզեշքիան երեքշաբթի երեկոյան՝ Հիսուս Քրիստոսի օրհնյալ ծննդյան տոնի նախօրեին, հանդիպել է Իրան-իրաքյան պատերազմի երկու հայ նահատակների ընտանիքների հետ։ Այս մասին հայտնում է Հայաստանում Իրանի դեսպանությունը։
Փեզեշքիան զրուցել է նահատակ Օշավան Այվազյանի կնոջ՝ տիկին Նինա Հարությունյան Նախջևան Թափեի և նահատակ Գագիկ Թումանյանի մոր՝ տիկին Հասմիկ Միրզայան Ղարաջեդաղի հետ ու բարձր գնահատել այս ընտանիքների զոհողությունները: Հանդիպումներում նախագահը, բարձր գնահատելով այս նահատակների անձնազոհությունը, երախտագիտություն է հայտնել նաև նահատակների մայրիկի և կնոջ համբերության ու տոկունության համար։
«Նահատակների թանկագին մայրերն ու կանայք անզուգական համբերությամբ պատկերեցին անձնազոհության գեղեցիկ դրսևորումը։ Այս վեհ նահատակները իրենց կրոնական ուսմունքներով, օրինակելի հանձնառությամբ ու նախանձախնդրությամբ կանգնեցին մյուս հայրենակիցների կողքին՝ ի պաշտպանություն երկրի պատվի ու անձեռնմխելիության և իրենց հաստատակամությամբ ու վճռականությամբ կլինեն երկրի հավերժական հպարտության ու պատվի առարկան»,-ասված է այս երկու հայ նահատակների ընտանիքներին դոկտոր Փեզեշքիանի հանձնած շնորհակալագրի մի հատվածում։
Հետևեք մեզ տելեգրամում
