Մանրամասներ Վրաստանի նորընտիր նախագահի երդմնակալության արարողության վերաբերյալ

Վրաստանի խորհրդարանի նախագահ Շալվա Պապուաշվիլին մանրամասներ է ներկայացրել, թե ինչպես և որտեղ են անցկացվելու վեցերորդ նախագահ Միխեիլ Ղավելաշվիլիի երդմնակալության արարողությունը։ Այն կսկսվի դեկտեմբերի 29-ին՝ ժամը 11:00-ին, կտևի մոտ 40 րոպե։ Ղավելաշվիլին երդում կտա Վրաստանի Սահմանադրության հատուկ օրինակի վրա, որը տպագրվել է հատուկ այս միջոցառման համար։ Երդմնակալության արարողությունից հետո Սահմանադրության այդ կտեղադրվի Խորհրդարանի թանգարանում և կօգտագործվի միայն երդմնակալության համար։ Ընդհանուր առմամբ տպագրվել է երեք օրինակ․ Խորհրդարանի թանգարանից բացի, դրանք կպահվեն Վրաստանի ազգային արխիվում և Ազգային գրադարանում։

Արարողությանը հրավիրված են ընտրական կոլեգիայի անդամներ, կառավարության, սահմանադրական մարմինների և ուղղափառ եկեղեցու ներկայացուցիչներ։ Օտարերկրյա դեսպաններ և հյուրեր ներկա չեն գտնվի։

Երկրի ներկայիս ղեկավար Սալոմե Զուրաբիշվիլին հայտարարել է, որ չի լքելու նախագահական նստավայրը՝ Թբիլիսիի կենտրոնում գտնվող Օրբելիանի պալատը։

Հիշեցնենք, որ Ղավելաշվիլին Վրաստանի նախագահ է ընտրվել դեկտեմբերի 14-ին։ Նախագահական ընտրություններն անցել են ամերիկյան մոդելով՝ ընտրական կոլեգիայի կողմից ստացել է 300 ձայնից 224-ը։ Ընդդիմությունը չի մասնակցել ընտրություններին։