Թուրքիայում ահաբեկչական համարվող «Քրդստանի բանվորական կուսակցության» (PKK) առաջնորդ Աբդուլլահ Օջալանը, ով ցմահ ազատազրկված է 1999-ից ի վեր, պատրաստ է կոչ անել քուրդ զինյալներին զենքը վայր դնել: Այդ մասին ասվել է Թուրքիայում ընդդիմադիր համարվող «Ժողովուրդների հավասարության և ժողովրդավարության» (DEM) հայտարարության մեջ, որի պատվիրակությունը հանդիպել է Իմրալը կղզու բանտախցում քուրդ առաջնորդի հետ:
Ըստ հայտարարության Օաջալանը նշել է, որ «թուրք-քրդական եղբայրության ամրապնդումը կենսական կարևորություն ունի», և որ ինքը «պատրաստ է իր ներդրումն ունենալ գործընթացում», որը սկսել է Թուրքիայի նախագահ Ռեջեփ Թայիփ Էրդողանը։
«Թուրք-քրդական եղբայրության վերահաստատումը ոչ միայն պատմական պատասխանատվություն է, այլև… հրատապ խնդիր բոլոր ժողովուրդների համար»,- հայտարարել է Օջալանը:
Այցը տեղի է ունեցել այն բանից հետո, երբ Թուրքիայի կառավարությունը հավանություն է տվել DEM կուսակցության հարցմանը: Օջալանի վերջին հանդիպումը DEM-ի նախորդի՝ «Ժողովուրդների դեմոկրատական կուսակցության» (HDP) ներկայացուցիչների հետ տեղի էր ունեցել 2015 թվականի ապրիլին։
Թուրքիայի, ԱՄՆ-ի և Եվրամիության կողմից «ահաբեկչական կազմակերպություն» ճանաչված PKK-ի հիմնադիր Օջալանը ձերբակալվել է 1999 թվականին Քենիայում խոշոր Թուրքիայի հատուկ ծառայությունների հատուկ գործողության ժամանակ: Օջալանը սկզբում նա դատապարտվել էր մահապատժի, աակայն նրա պատիժը փոխարինվել է ցմահ ազատազրկմամբ այն բանից հետո, երբ 2004 թվականին Թուրքիան վերացրել է մահապատիժը։
Հետևեք մեզ տելեգրամում
