Գերմանիայի և Ֆրանսիայի արտաքին գործերի նախարարներ Անալենա Բերբոքը ու Ժան-Նոել Բարոն ուրբաթ չհայտարարված այցով մեկնել են Սիրիա, որտեղ նախատեսված են բանակցություններ Դամասկոսում իշխանության եկած Ահմեդ ալ-Շարաայի հետ։ Այս մասին հայտնել է Գերմանիայի ԱԳՆ-ն։
Բացի ալ-Շարաայի հետ բանակցություններից, ակնկալվում է, որ նախարարները հանդիպումներ կունենան քաղաքացիական հասարակության ներկայացուցիչների հետ։ Ինչպես նշվում է Գերմանիայի ԱԳՆ հայտարարության մեջ, ուղևորությունն իրականացվում է «ԵՄ-ի անունից»։
Դամասկոս մեկնելուց առաջ մեկնաբանություններում Բերբոքն ասել է, որ «նոր սկիզբըհնարավոր կլինի միայն եթե սիրիական նոր հասարակությունը ապահովի բոլոր սիրիացիների՝ և՛ կանանց, և՛ տղամարդկանց հասանելիությունը քաղաքական գործընթացներ՝ անկախ էթնիկ և կրոնական պատկանելությունից»:
Նրա կարծիքով, անհրաժեշտ է նաև երաշխավորել, որ Սիրիայում անցումային շրջանը չուղեկցվի ընտրությունները հետաձգելու կամ «դատական համակարգի և կրթական համակարգի իսլամացմանն ուղղված քայլերով»։
Հետևեք մեզ տելեգրամում
