Ամանորի օրը Թբիլիսիում տասնյակ պետական ծառայողներ աշխատանքից ազատման ծանուցումներ են ստացել։ Նրանցից շատերը դա կապում են քաղաքական դրդապատճառների հետ, քանի որ հանրային դատապարտել են «Վրացական երազանք»-ի՝ ԵՄ-ին անդամակցելու շուրջ բանակցությունները սառեցնելու որոշումը և մասնակցել են բողոքի ցույցերին։
Աշխատանքային պայմանագրերի չերկարաձգելու մասին հաղորդումները սկսել են ստանալ 2024թ․ դեկտեմբերի վերջին՝ որպես պատճառ նշելով ծառայությունների կարիքի կրճատումը:
Աշխատանքից ազատվածների մեծ մասը պայմանագրային հիմունքով աշխատողներ էին, որոնք ունեն որոշակի ժամկետով պայմանագրեր: Նրանք նշում են, որ իրենցից շատերը նախկինում ստորագրել են կառավարության գործողությունները քննադատող խնդրագրեր։
Զանգվածային կրճատումները հնարավոր դարձան Հանրային ծառայության մասին օրենքում փոփոխությունների շնորհիվ, որը խորհրդարանը հաստատեց դեկտեմբերին արագացված հիմունքներով: Վեցերորդ նախագահ Միխեիլ Ղավելաշվիլին այն ստորագրեց երդմնակալությունից անմիջապես հետո։
Նորամուծությունները աշխատակիցներին զրկում են աշխատանքից ազատվելուց հետո այլ պաշտոնի անցնելու իրավունքից։
Հետևեք մեզ տելեգրամում
