ՀՀ ԱԳՆ-ն ցավակցություն է հայտնել ԱՄՆ-ին Նոր Օռլեանում տեղի ունեցած իրադարձությունների կապակցությամբ։
«Սրտի ցավով տեղեկացանք Նոր Օռլեանում տեղի ունեցած ողբերգական իրադարձությունների մասին։ Դատապարտում ենք բռնության նման անիմաստ գործողությունները և մեր խորին ցավակցությունն ենք հայտնում զոհերին, նրանց հարազատներին և ԱՄՆ կառավարությանը»,- նշված է ՀՀ ԱԳՆ X-ի միկրոբլոգում:
Հիշեցնենք, որ Միացյալ Նահանգների Լուիզիանա նահանգի Նոր Օռլեան քաղաքում բեռնատար ավտոմեքենան Ամանորի տոնակատարությունների ժամանակ մեծ արագությամբ մխրճվել էր ամբոխի մեջ։ Մահացել է առնվազն 10 մարդ, տարբեր ծանրության մարմնական վնասվածքներ է ստացել երեսունը։
Հետևեք մեզ տելեգրամում
