Սիրիայի արտգործնախարարը պաշտոնական այց կկատարի Թուրքիա

Սիրիայի անցումային կառավարության պատվիրակությունը հունվարի 15-ին առաջին պաշտոնական այցը կկատարի Թուրքիա։ Այս տեղեկությունը հաստատել է Սիրիայի արտգործնախարար Ասադ Հասան ալ-Շիբանին։

«Մենք վաղը նոր Սիրիան կներկայացնենք Թուրքիայի Հանրապետություն կատարած առաջին պաշտոնական այցի ժամանակ, որը սիրիացի ժողովրդին չի լքել արդեն 14 տարի»,-X-ի միկրոբլոգում գրել է ալ-Շիբանին։

Ավելի վաղ թուրքական A haber հեռուստաալիքը հայտնել էր, որ Սիրիայի նոր վարչակազմի առանցքային նախարարները՝ արտաքին գործերի նախարար, պաշտպանության նախարար Մուրհաֆ Աբու Կասրան և Գլխավոր հետախուզական ծառայության ղեկավար Անաս Հասան Խատաբը, հունվարի 15-ին կժամանեն Անկարա՝ իրենց թուրք գործընկերների հետ բանակցությունների համար։ Հեռուստաալիքի տվյալներով՝ հնարավոր է, որ նրանց ընդունի երկրի նախագահ Ռեջեփ Թայիփ Էրդողանը։