Եվրահանձնաժողովը հայտարարել է Գազայի համար 120 միլիոն եվրո (123 միլիոն դոլար) օգնության նոր փաթեթի մասին: Այս մասին հայտարարություն է տարածել Եվրահանձնաժողովի նախագահ Ուրսուլա ֆոն դեր Լեյենը:
«Հրադադարի և պատանդների ազատ արձակման համաձայնագիրը հույս է ներշնչում կարիքի մեջ հայտնված տարածաշրջանի համար: Սակայն Գազայում հումանիտար իրավիճակը մնում է մռայլ», – ասված է հայտարարության մեջ:
«Եվրոպան 2025 թվականին կուղարկի 120 միլիոն եվրո օգնություն՝ տոննաների կշռով նյութական աջակցության հետ միասին՝ շարունակելով աջակցել պաղեստինցիներին»,- շարունակվում է հայտարարությունում:
Աջակցության փաթեթը ներառելու է պարենային և առողջապահական օգնություն, ջրի, սանիտարական և հիգենայի պարագաներ, ապաստան և պաշտպանություն:
Հետևեք մեզ տելեգրամում
