Բաթումիում ադրբեջանական SOCAR ընկերության մոտ 200 աշխատակից գործադուլ է անում՝ ցածր աշխատավարձի պատճառով։
Գործադուլին մասնակցել են մասնագետներ, վարպետներ և տարբեր ստորաբաժանումների աշխատակիցներ։ Նրանց խոսքով, արդեն երկար տարիների նրանք ստանում են նվազագույն աշխատավարձ, որը չի համապատասխանում իրենց աշխատանքի ծավալին։
Աշխատակիցներին ասել են, որ աշխատավարձերը որոշվում են Վրաստանի էներգետիկայի և ջրամատակարարումը կարգավորող ազգային հանձնաժողովի (GNERC) որոշմամբ, և մինչև 2028 թվականը փոփոխություններ չեն լինի։ Ընկերությունից էլ հայտնել են, որ առանց GNERC-ի համաձայնության չեն կարող փոփոխել աշխատավարձերը։
Հետևեք մեզ տելեգրամում
