Ռուսաստանի Դաշնությունից պատվիրակությունը՝ Մերձավոր Արևելքի հարցերով հատուկ բանագնաց Միխայիլ Բոգդանովի գլխավորությամբ, հունվարի 28-ին ժամանել է Դամասկոս և հանդիպել Սիրիայի նոր ղեկավար Ահմադ ալ-Շարայի հետ։
Հանդիպման ընթացքում քննարկվել են առանցքային հարցեր՝ միաժամանակ հաստատելով Սիրիայի ինքնիշխանության և տարածքային ամբողջականության նկատմամբ հարգանքը:
Ռուսական կողմը վերահաստատել է աջակցությունը Սիրիայում ընթացող դրական փոփոխություններին և կարևորել երկխոսությունը՝ սիրիացի ժողովրդի շրջանում Ռուսաստանի նկատմամբ վստահության վերականգնման գործում այնպիսի միջոցներով, ինչպիսիք են փոխհատուցումը, վերակառուցումը և վերականգնումը:
Սիրիայի նոր վարչակազմն իր հերթին նշել է, որ հանձնառու է բոլոր շահագրգիռ կողմերի հետ սկզբունքային կերպով վարվել՝ Սիրիայի ապագան կառուցելու համար՝ հիմնված արդարության, արժանապատվության և ինքնիշխանության վրա:
Նոր վարչակազմը նաև ընդգծել է, որ հարաբերությունների վերականգնումը պետք է լուծի անցյալի սխալները, հարգի սիրիացի ժողովրդի կամքը և ծառայի նրանց շահերին։
Հետևեք մեզ տելեգրամում
