Վերջին օրերին մոտ 400 հազար պաղեստինցի վերադարձել է Գազայի հյուսիսային հատված: Այս մասին իր զեկույցում հայտնել է ՄԱԿ-ի հումանիտար հարցերի համակարգման գրասենյակը:
«Հունվարի 27-ին ափամերձ և Սալահ ալ-Դին ճանապարհների բացումից հետո հարավից հյուսիս է անցել ավելի քան 375 հազար մարդ»,-նշել են գրասենյակից։
Իսրայելական բանակը պաղեստինցիներին թույլ է տվել վերադառնալ հյուսիսային անկլավ այն բանից հետո, երբ հրեական պետությունը երկուշաբթի գիշերը հաստատ տեղեկացավ, որ Իսրայելի քաղաքացի Արբել Յեհուդը, որին պետք է պաղեստինյան «ՀԱՄԱՍ» շարժումը պատանդների երկրորդ խմբի հետ ազատ արձակեր հունվարի 25-ին, կենդանի է: Սպասվում է, որ նա տուն կվերադառնա հունվարի 30-ին՝ զինծառայող Ագամ Բերգերի և «մեկ այլ առևանգվածի» հետ, ում անունը դեռ չի հրապարակվում։
Հետևեք մեզ տելեգրամում
