Աֆղանստանում Թալիբան կառավարության փոխարտգործնախարար Մոհամմադ Աբբաս Ստանիկզայը ստիպված է եղել փախչել երկրից աղջիկների և կանանց համար բարձրագույն կրթության կառավարության արգելքը քննադատելուց հետո:
Ավարտական արարողություններից մեկի ժամանակ փոխնախարարը խնդրել է կառավարությանը «բացել գիտելիքի դռները»:
«Դրա համար արդարացում չկա ո՛չ հիմա, ո՛չ ապագայում», – ասել է փոխարտգործնախարարը:
Նախարարը բացատրել է, որ Մուհամմադ մարգարեի ժամանակ տղամարդկանց և կանանց հավասարապես թույլատրվում էր կրթություն ստանալ: Նրա խոսքով՝ կանանց կրթության իրավունքից զրկելը հակասում է իսլամին:
«Մարգարեն ասաց. «Ով երկու կամ երեք կին ունի և նրանց մեջ արդարություն չի պահպանում, Դատաստանի օրը հարություն կառնի անդամալույծ վիճակում»»,- ասել է նախարարը:
«Մենք անարդար ենք վարվում 20 միլիոն մարդու նկատմամբ։ Մենք զրկել ենք կանանց իրենց իրավունքներից»,- հավելել է նա։
Ըստ The Guardian-ի՝ Թալիբանի գերագույն առաջնորդ Հիբաթուլլահ Ախունդզադան արգելել է ճանապարհորդել և հրամայել է նախարարին ձերբակալել ելույթից հետո։
Մինչդեռ փոխնախարարը տեղական լրատվամիջոցներին ասել է, որ ինքը գտնվում է Դուբայում՝ առողջական խնդիրներով պայմանավորված:
Հետևեք մեզ տելեգրամում
