ԱՄՆ նախագահ Դոլանդ Թրամփը մտադիր է գնել Գազան, սակայն կարող է թույլ տալ Մերձավոր Արևելքի այլ պետությունների վերակառուցել այս հատվածը:
«Ես հանձնառու եմ Գազայի գնմանն ու սեփականաշնորհմանը: Քանի դեռ մենք վերակառուցում ենք Գազան, կարող ենք թույլ տալ Մերձավոր Արևելքի այլ պետությունների կառուցել այն և այլ մարդիկ դա կարող են անել մեր հովանու ներքո: Բայց մենք պարտավորվում ենք սեփականաշնորհել այն [խմբ.՝ Գազան], վերցնել և համոզվել, որ ՀԱՄԱՍ-ը հետ չի շարժվի»,- ասել է ԱՄՆ նախագահը:
Թրամփը նաև ասել է, որ բաց է պաղեստինցի որոշ փախստականների՝ ԱՄՆ մուտք գործելու հնարավորության համար, բայց կքննարկի նման դիմումները յուրաքանչյուր դեպքի հիման վրա:
ՀԱՄԱՍ-ի քաղաքական բյուրոյի անդամ Էզզատ ալ-Ռաշքը դատապարտել է Գազայի հատվածը գնելու և տիրապետելու վերաբերյալ Թրամփի վերջին հայտարարությունը:
«Գազան գույք չէ, որ վաճառվի ու գնվի։ Դա պաղեստինյան օկուպացված մեր հողի անբաժանելի մասն է»,- ասել է ՀԱՄԱՍ-ի պաշտոնյան:
Հետևեք մեզ տելեգրամում
