ԱՄՆ նախագահ Դոնալդ Թրամփը հայտարարել է, որ ամերիկացի զինվորականները հանգստյան օրերին Սիրիայում ոչնչացրել են «Ալ-Կաիդա» ահաբեկչական խմբավորման առաջնորդներից մեկին։ Այս մասին նա գրել է Truth Social-ում։
«Այս շաբաթավերջին ԱՄՆ-ի ուժերը ճշգրիտ ավիահարված են հասցրել Սիրիայում «Ալ-Կաիդա»-ի անդամներից մեկի վրա: Ահաբեկիչների պարագլուխն աշխատում էր «Ալ-Կաիդա»-ի հետ ողջ տարածաշրջանում»,-գրել է ԱՄՆ նախագահը։
Թրամփը նաև շնորհավորել է ԱՄՆ կենտրոնական հրամանատարության ղեկավար Մայքլ Կուրիլային և ռազմական օդաչուներին հաջող գործողության կապակցությամբ։
Հետևեք մեզ տելեգրամում
