Արաբական երկրների առաջնորդները մարտի 4-ին Կահիրեում Արաբական պետությունների լիգայի (ԱՊԼ) արտակարգ գագաթաժողովում հավանություն են տվել Գազայի հատվածի վերաբերյալ Եգիպտոսի առաջարկած վերակառուցման ծրագրին, որն այլընտրանք է ԱՄՆ նախագահ Դոնալդ Թրամփի՝ «Մերձավոր Արևելյան Ռիվիեա» տեսլականին։
Եգիպտական նախագծի արժեքը 53 միլիարդ դոլար է։ Դրա շնորհիվ կխուսափեն պաղեստինցիների վերաբնակեցումից։ Նախատեսվում է, որ ռազմական գործողությունների ավարտից հետո վեց ամսով կստեղծվի Գազայի Կառավարման կոմիտե, որի մեջ կընդգրկվեն տեխնոկրատներ: Եզրափակիչ հայտարարության մեջ ընդգծվում է, որ տարածաշրջանում խաղաղությունը արաբական երկրների ռազմավարական ընտրությունն է՝ հիմնված երկու պետությունների գոյության սկզբունքի վրա։
Եգիպտոսի նախագահ Աբդել Ֆաթթահ ալ-Սիսին հույս է հայտնել, որ Թրամփը կկարողանա խաղաղության հասնել Գազայի հակամարտությունում։
Հետևեք մեզ տելեգրամում
