Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Իմանղալի Տասմագամբետովը հարցազրույց է տվել «Իզվեստիա» թերթին, որում անդրադարձել է ինչպես Երևան-ՀԱՊԿ հարաբերություններին, այնպես էլ Ուկրաինայի պատերազմին և ԱՄՆ նոր վարչակազմի քաղաքականությանը:
Տասմագամբետովը նշել է, որ կազմակերպությունը շարունակում է կապեր պահել Երևանի հետ, հարաբերությունների ձևաչափը չի փոխվել:
«Մենք աշխատանքային կապեր ենք պահպանում Երևանի հետ։ Ուզում եմ ևս մեկ անգամ շեշտել, որ Հայաստանի Հանրապետությունը մնում է դաշնակից, և կազմակերպության պարտավորությունները երկրի նկատմամբ մնում են տեղում։ Ինչ վերաբերում է ՀԱՊԿ-ի հետ համագործակցությունը վերսկսելու պատրաստակամության ազդանշաններին, ապա հարաբերությունների ձևաչափը չի փոխվել և մնում է նույնը»,-ասել է կազմակերպության գլխավոր քարտուղարը։
Հետևեք մեզ տելեգրամում
