Վրաստանի արտգործնախարար Մակա Բոճորիշվիլին ընդունել է այդ երկրում ԱՄՆ դեսպան Ռոբին Դաննիգանին։ Վրաստանում նոր կառավարության ձևավորումից հետո սա ԱՄՆ դեսպանի հետ առաջին հանդիպումն էր։ Նախարարությունից հայտնել են, որ հանդիպմանը քննարկել են երկու երկրների համագործակցությանը և հարաբերություններին վերաբերող հարցեր, որոնք հիմնված են ընդհանուր արժեքների և շահերի վրա:
ԱՄՆ դեսպանատունը նույնպես հաղորդագրություն է տարածել հանդիպման վերաբերյալ, որում նշվում է.
«Դեսպան Դաննիգանը հանդիպել է արտգործնախարար Մակա Բոճորիշվիլիին, որպեսզի ներկայացնի նախագահ Թրամփի և քարտուղար Ռուբիոյի գլխավոր առաջնահերթությունները և քայլերը, որոնք Վրաստանը կարող է ձեռնարկել՝ ցույց տալու իր լրջությունը Միացյալ Նահանգների հետ հարաբերությունների բարելավման հարցում»:
Հետևեք մեզ տելեգրամում
