Գերմանիայի և Ավստրիայի ներքին գործերի նախարարներ Նենսի Ֆեզերն ու Գերհարդ Կարները չեղարկել են այցը Սիրիա՝ Գերմանիայի անվտանգության ծառայությունների կողմից ահաբեկչական սպառնալիքի մասին նախազգուշացումներից հետո։ Այս մասին հայտնում է Bild թերթը՝ հղում անելով Գերմանիայի ՆԳՆ ներկայացուցչին։
«Դաշնային նախարար Ֆեզերը չեղարկել է օրվա առաջին կեսին իր պլանային թռիչքը Հորդանանի մայրաքաղաք Ամմանից դեպի Սիրիայի մայրաքաղաք Դամասկոս՝ ահաբեկչական սպառնալիքի մասին գերմանական անվտանգության ծառայությունների մանրամասն նախազգուշացումների պատճառով»,-ասել է ՆԳՆ պաշտոնյան։
Ուղևորությունը չեղարկելու որոշումն ընդունվել է երկու նախարարների կողմից համատեղ։ Գերատեսչության ներկայացուցիչը հավելել է, որ այցի իրականացումը «հնարավոր վտանգ կստեղծեր պատվիրակության, ինչպես նաև դրա կազմում ներգրավված անվտանգության ուժերի համար»։
Հետևեք մեզ տելեգրամում
