Վրաստանի արդարադատության ներկայիս նախարար Անրի Օխանաշվիլին կգլխավորի Վրաստանի պետական անվտանգության ծառայությունը, իսկ նրա պաշտոնը կզբաղեցնի պատգամավոր Պաատա Սալիան։ Այս մասին ճեպազրույցում հայտարարել է Վրաստանի վարչապետ Իրակլի Կոբախիձեն։
Պետական անվտանգության ծառայության ներկայիս ղեկավար Գրիգոլ Լիլուաշվիլին կղեկավարի նոր՝ Վրաստանի տարածաշրջանային զարգացման նախարարությունը։ Նախկինում գերատեսչության գործառույթները ենթակա էին ենթակառուցվածքների և տարածաշրջանային զարգացման նախարարությանը:
Վարչապետը նշել է, որ Խորհրդարանի խոսնակի և խորհրդարանական մեծամասնության հետ խորհրդակցությունների համաձայն՝ ուրբաթ՝ ապրիլի 4-ին, խորհրդարանում տեղի կունենա Օխանաշվիլիի թեկնածության հաստատման քվեարկությունը։
Հետևեք մեզ տելեգրամում
