Իրանը Օմանի բանակցությունները դիվանագիտության համար նոր հնարավորություն է դիտարկում

Իրանի արտգործնախարար Աբբաս Արաղչին Կատարում տված մամուլի ասուլիսի ժամանակ, անդրադառնալով ԱՄՆ հետ բանակցությունների հարցին, նշել է, որ Օմանի բանակցությունները դիվանագիտության համար նոր հնարավորություն և փորձ են՝ չափելու ԱՄՆ լրջությունը, որը նախկինում բազմիցս խախտել է պարտավորությունները։

Արաղչին շեշտել է, որ բանակցությունների թեման պատժամիջոցների վերացման դիմաց Իրանի միջուկային հարցի քննարկումն է։

Հիշեցնենք, որ ապրիլի 12-ին Օմանում Իրանի արտաքին գործերի նախարար Աբբաս Արաղչին և ԱՄՆ նախագահի Մերձավոր Արևելքի հարցերով հատուկ բանագնաց Սթիվ Ուիթքոֆը կանցկացնեն ոչ ուղիղ բանակցություններ։