Թուրքիան ցանկանում է ռազմաբազա ունենալ Սիրիայի կենտրոնական հատվածում. Այս մասին ԱՄՆ Սենատի արտաքին հարաբերությունների հանձնաժողովում լսումների ժամանակ հայտարարել է ԱՄՆ պետքարտուղար, նախագահի ազգային անվտանգության հարցերով խորհրդականի ժամանակավոր պաշտոնակատար Մարկո Ռուբիոն։
Նրա խոսքով, Իսրայելի ղեկավարությունը «մտահոգված է թուրքական ներկայությամբ» Սիրիայում։
«Կարծում եմ, որ առանցքային գործոններից են Սիրիայի տարածքում օտարերկրյա ռազմակայանները: Ինչ-որ մի փուլում Սիրիայի անցումային իշխանությունները պետք է որոշեն, թե արդյոք թույլ կտան օտարերկրյա ռազմաբազաների ներկայությունը, երկրում, թե ոչ: Դա վերաբերում է Ռուսաստանին, Թուրքիային, որը նույնպես ցանկանում է դա, հատկապես երկրի կենտրոնական հատվածում»,- նշել է Ռուբիոն:
Հետևեք մեզ տելեգրամում
