Իրանի գերագույն առաջնորդի՝ միջազգային հարցերով խորհրդական Ալի Աքբար Վելայաթին առաջնորդի պաշտոնական կայքին տված հարցազրույցում հայտարարել է, որ Իրանը խափանեց «Զանգեզուրի միջանցքի» բացումը:
«Իսլամից հետո Իրանը երբեք այսքան հզոր, անկախ ու ազդեցիկ չի եղել։ Այդ հզորության ցուցիչներից մեկը Հարավային Կովկասի ճգնաժամում Իրանի կտրուկ ու վճռական արձագանքն էր։ Այն ժամանակ, երբ որոշ երկրներ «Զանգեզուրի միջանցքի» անվան տակ ցանկանում էին Հայաստանի տարածքով կապ հաստատել Ադրբեջանի ու Նախիջևանի միջև, նախագիծ, որի նպատակն իրականում Հայաստանի մասնատումն ու Եվրոպայի հետ Իրանի կապը կտրելն էր, Իրանը մեծ զգոնությամբ ու հզորությամբ դրա դեմ կանգնեց և կանխեց այդ խարդավանքը։ Ինչպես ԱՄՆ նախագահ Ջոն Բայդենն է խոստովանել, ամեն ինչ այդ միջանցքի գործարկման համար պատրաստ էր, բայց Իրանը դա թույլ չտվեց։ Սա ցույց է տալիս, որ Իրանն անգամ առանց ՌԴ-ի, իր խելամիտ քաղաքականությամբ, կարողացել է պահպանել Կովկասի անվտանգությունը և կանխել տարածաշրջանում ՆԱՏՕ-ի ներթափանցումը»,-ասել է Վելայեթին:
Նրա խոսքով, Հարավային Կովկասում Իրանի ներկայությունը ոչ միայն պաշտպանում է ազգային շահերը, այլև ամուր պատնեշ է տարածաշրջանում օտարների ազդեցության ներթափանցման դեմ։
«Իրանը կարողացել է կանխել իր դեմ միջազգային հերթական խառնակ նախագիծը։ Զանգեզուրի նախագծից թշնամիների վերջնանպատակը հյուսիսից Իրանի մեկուսացումն ու հարավից ՌԴ շրջափակումն էր, սակայն այդ նախագիծը ևս ձախողվեց»,-ընդգծել է նա։
Հետևեք մեզ տելեգրամում
