Թուրքիան զգուշանում է, որ Հնդկաստանը բացահայտ կաջակցի Հունաստանին, գրել է հնդկական Zee News India լրատվական ալիքը։
«Թուրքական լրատվամիջոցները վախենում են, որ Հնդկաստանը կամրապնդի պաշտպանական եւ տնտեսական կապերը Հունաստանի հետ՝ որպես հատուցման քայլ։
Հունական Ekathimerini թերթը վերջերս հաղորդել էր, որ Հնդկաստանը ուսումնասիրում է Հունաստանում խոշոր ներդրումներ կատարելու հնարավորությունը։ Գործարքները կարող են ներառել նավահանգիստները, զբոսաշրջությունը եւ պաշտպանությունը։
Հնդկաստանի կողմից «Hellenic Aerospace Industry» (EAB) եւ «Hellenic Defense Systems» (EAS) ընկերություններում ներդրումների մասին լուրերը նյարդայնացնում են Թուրքիային։ Հնդկաստանը ջախջախիչ հարված է հասցրել թուրքական անօդաչու թռչող սարքերին՝ իր «Akash» եւ «T4» հակաօդային պաշտպանության համակարգերով։ Թուրքիան վախենում է, որ Հնդկաստանը կարող է այժմ այդ զենքը վաճառել Հունաստանին։
Եթե Հնդկաստանը ամրապնդի իր պաշտպանական կապերը Հունաստանի հետ, դա կլինի կտրուկ պատասխան Թուրքիայի կողմից Պակիստանին ցուցաբերվող աջակցությանը: Հնդկաստանը նաեւ ամուր կապեր ունի Թուրքիայի մյուս մրցակիցների՝ Կիպրոսի եւ Հայաստանի հետ, վերջինս բարեկամ երկիր է, որը ստանում է Հնդկաստանի բարձր տեխնոլոգիական զենքերը, որոնք ապացուցվել են Պակիստանի դեմ պատերազմում:
Նման իրավիճակում Թուրքիայի վախը բնական է։ «Ակաշից» բացի, Հնդկաստանի թշնամիների համար ամենամեծ սպառնալիքը «ԲրահՄոս» հրթիռն է։ Հնդկաստանը արագ ավելացնում է իր արտադրությունը։ Ակնկալվում է, որ Հնդկաստանը կօգտագործի այս զենքերը Թուրքիային եւ Չինաստանին հակազդելու համար՝ իր դաշնակիցների միջոցով»,- գրել է Zee News India-ն։
Հետևեք մեզ տելեգրամում
