Կրեմլը տեսել է Ադրբեջանում Ռուսաստանի քաղաքացիների ձերբակալման կադրերը և ուշադրություն է դարձրել բոլոր մանրամասներին: Այս մասին Ռիա Նովոստիի փոխանցմամբ, ասել է Ռուսաստանի նախագահի մամուլի քարտուղար Դմիտրի Պեսկովը։ «Իսկապես, մենք տեսել ենք բոլոր տեսանյութերը և ուշադրություն ենք դարձրել բոլոր մանրամասներին», – նշել է նա:
Հիշեցնենք, որ հուլիսի 1-ին ադրբեջանական լրատվամիջոցները հաղորդեցին Բաքվում ութ Ռուսաստանի քաղաքացիների ձերբակալման մասին, որոնք, ըստ ադրբեջանական կողմի, կապված են Իրանից թմրանյութերի տարանցման և կիբեռհանցագործությունների հետ:
Հրապարակումները հայտնվել են հունիսի 30-ին ձերբակալված «Սպուտնիկ» գործակալության ռուս և ադրբեջանցի լրագրողների նկատմամբ Ադրբեջանի անվտանգության ուժերի կողմից անբարյացակամ գործողությունների ֆոնին։
Հետևեք մեզ տելեգրամում
