Թուրքիայի խորհրդարանի նախկին պատգամավոր Կարո Փայլանն արձագանքել է Սպիտակ տանը կայանալիք Հայաստանի, Ադրբեջանի ու ԱՄՆ ղեկավարների եռակողմ հանդիպմանը:
«Այս ուրբաթ, նախագահ Թրամփը Սպիտակ Տանը կհյուրընկալի Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին։ Ես հույս ունեմ, որ այս հանդիպումը կդառնա պատմական շրջադարձային կետ Հարավային Կովկասում մնայուն խաղաղության, կայունության և տնտեսական համագործակցության համար»,-գրել է Փայլանը X-ում ։
Հիշեցնենք, որ Հայաստանի վարչապետ Նիկոլ Փաշինյանը oգոստոսի 7-8-ին այց կկատարի Ամերիկայի Միացյալ Նահանգներ։ ՀՀ վարչապետի աշխատակազմից հայտնում են, որ Վաշինգտոնում վարչապետ Փաշինյանը երկկողմ հանդիպում կունենա Ամերիկայի Միացյալ Նահանգների նախագահ Դոնալդ Ջ. Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Ջ. Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը։
Հետևեք մեզ տելեգրամում
