Թրամփը հանձնարարել է արագ կազմակերպել հանդիպումները Պուտինի և Զելենսկու հետ

ԱՄՆ նախագահ Դոնալդ Թրամփը խնդրել է իր թիմին հնարավորինս շուտ կազմակերպել իր հանդիպումները ռուս ու ուկրաինացի գործընկերներ Վլադիմիր Պուտինի և Վլադիմիր Զելենսկու հետ, հաղորդում է CNN-ը՝ հղում անելով իր աղբյուրներին։

Սովորաբար, Թրամփի և համաշխարհային առաջնորդների միջև խոշոր հանդիպումներ նախապատրաստելը «ժամանակ են պահանջում», բայց այս դեպքում նա «խնդրել է իր թիմին արագ գործել»։ CNN-ի աղբյուրների համաձայն՝ ամերիկացի առաջնորդի օգնականները «անմիջապես սկսել են պլանավորել հանդիպումները»։

Ավելի վաղ The New York Times-ը, հղում անելով աղբյուրին, հայտնել էր, որ Թրամփը հաջորդ շաբաթ անձնական հանդիպում է ունենալու Պուտինի հետ, իսկ դրանից անմիջապես հետո՝ եռակողմ հանդիպում՝ Զելենսկու հետ։