Իրանի ճանապարհների ու քաղաքաշինության նախարար Ֆարզանե Սադեղը հանդիպել է ՀՀ ՏԿԵ նախարար Դավիթ Խուդաթյանի հետ, քննարկել երկկողմ համագործակցության տարբեր ասպեկտներ: Անդրադարձ է կատարվել նաև ստորագրվելիք երեք հուշագրերին, որոնք առնչվում են բնակարանաշինության, լոգիստիկայի և տարանցման ոլորտներին, սահմանային ենթակառուցվածքների կառուցմանը:
Սադեղը, կարևորելով Հյուսիս-Հարավ, Պարսից ծոց-Սև ծով միջանցնքները, ընդգծել է ենթակառուցվածքների զարգացման անհրաժեշտությունը: Ընդգծելով երկրների տարածքային ամբողջականության պահպանման անհրաժեշտությունը և աշխարհաքաղաքական փոփոխությունների անթույլատրելիությունը՝ իրանցի նշել է, որ Ջուլֆա-Երևան-Վրաստան երկաթուղու բացումը կարևոր քայլ կլինի տարածաշրջանում տարանցումը դյուրացնելու ուղղությամբ:
ԻԻՀ արդյունաբերության, հանքերի և առևտրի նախարար Մոհամմադ Աթբաքն էլ հանդիպել է ՀՀ էկոնոմիկայի նախարար Գևորգ Պապոյանի հետ: Քննարկվել է առևտրաշրջանառությունը 3 մլրդ դոլարի հասցնելու հարցը:
Հետևեք մեզ տելեգրամում
